Detailed guide: Sæktu um ESB-búsetuáætlunina (EU Settlement Scheme) (búsetuheimild og fyrirframbúsetuhemild): íslensk þýðing (Icelandic)

Home Office Building - London - by .Martin. via Flickr

Detailed guide: Sæktu um ESB-búsetuáætlunina (EU Settlement Scheme) (búsetuheimild og fyrirframbúsetuhemild): íslensk þýðing (Icelandic)

 

 

Yfirlit

Ef þú ert borgari í ESB, EES eða Sviss þá getur þú og fjölskylda þín sótt um ESB-búsetuáætlunina (EU Settlement Scheme) til að halda áfram að búa í Bretlandi eftir 30. júní 2021. Ef umsókn þín er samþykkt þá færð þú annaðhvort búsetuheimild eða fyrirframbúsetuhemild.

EES inniheldur ESB-löndin og einnig Ísland, Liechtenstein og Noreg.

Þú gætir mögulega dvalið áfram í Bretlandi án þess að sækja um – til dæmis ef þú ert írskur ríkisborgari eða hefur leyfi til dvalar til óákveðins tíma.

Skráðu þig fyrir tölvupóst til að fá nýjustu upplýsingar um áætlunina.

Hvenær þú getur sótt um

ESB-búsetuáætlunin (EU Settlement Scheme) er opin. Þú getur sótt um núna ef þú uppfyllir skilyrðin.

Fresturinn til að sækja um er til 30. júní 2021.

Hvaða heimild þú færð getur farið eftir því hvenær þú sækir um.

Ef Bretland gengur úr ESB án samnings

Þú þarft að hafa verið búsettur í Bretlandi þann 12. apríl 2019 til að sækja um. Umsóknarfrestur verður til 31. desember 2020.

Gjöld

Það er ókeypis að sækja um áætlunina.

Ef þú greiddir gjald þegar þú sóttir um til ESB-búsetuáætlunarinnar (EU Settlement Scheme) þá munt þú fá endurgreiðslu.

Hverjir ættu að sækja um

Í öllum nema nokkrum tilfellum þarft þú að sækja um ef:

EES inniheldur ESB-löndin og einnig Ísland, Liechtenstein og Noreg.

Þetta þýðir að þú þarft að sækja um jafnvel þótt þú:

Hverjir aðrir geta sótt um

Þú gætir mögulega sótt um ef þú ert ekki ríkisborgari ESB, EES eða Sviss en:

  • þú áttir áður fjölskyldumeðlim í ESB, EES eða Sviss sem bjó í Bretlandi (en þið hafið skilið eða hann dáið)
  • þú ert fjölskyldumeðlimur bresks ríkisborgara og sem þú bjóst með utan Bretlands í EES landi
  • þú ert aðal umönnunaraðili borgara í Bretlandi, ESB, EES eða Sviss
  • þú ert barn borgara í ESB, EES eða Sviss sem bjó áður og starfaði í Bretlandi, eða aðal umönnunaraðili barnsins

Lesið leiðbeiningar um hvernið á að sækja um ef þú ert ekki borgari í ESB, EES eða Sviss.

Hver þarf ekki að sækja um

Þú þarft ekki að sækja um ef þú hefur:

Ef þú ert borgari í ESB, EES eða Sviss og þú fluttir til Bretlands áður en það gekk í ESB

Þú þarft einungis að sækja um ef þú hefur ekki leyfi til dvalar í óákveðinn tíma. Ef þú hefur leyfi til dvalar til óákveðins tíma þá hefur þú venjulega stimpil í vegabréfi þínu eða bréf frá innanríkisráðuneytinu sem segir til um þetta.

Ef þú starfar í Bretlandi en býrð ekki hér (‘starfsmenn yfir landamæri’)

Þú þarft ekki að sækja um til ESB-búsetuáætlunarinnar ef þú ert ‘starfsmaður yfir landamæri’.

Lestu leiðbeiningarnar fyrir starfsmenn yfir landamæri til að finna út:

  • hvort þú telst hæf(ur) sem starfsmaður yfir landamæri
  • hver réttindi þín verða
  • hvað fjölskyldumeðlimir þínir þurfa að gera til að dvelja áfram í Bretlandi

Ef þú ert undanþegin(n) innflytjendaeftirliti

Þú getur ekki sótt um til ESB-búsetuáætlunarinnar. Þú þarft ekki að gera neitt til að halda áfram að búa í Bretlandi á meðan þú ert undanþegin(n) innflytjendaeftirliti.

Þér hefur verið sagt hvort þú sért undanþegin innflytjendaeftirliti, t.d. vegna þess að þú ert:

  • sendiráðsstarfsmaður staðsettur í Bretlandi
  • starfsmaður NATO

Ef þú hættir að vera undanþegin(n), t.d. ef þú skiptir um starf, þá munt þú venjulega þurfa að sækja um áætlunina innan 90 daga. Þú munt geta sótt um eftir umsóknarfrestinn þann 30. júní 2021 svo lengi sem þú bjóst í Bretlandi fyrir 31. desember 2020.

Hvað þú færð

Réttindi og staða borgara í ESB, EES og Sviss sem búa í Bretlandi verða þau sömu til 30. júní 2021, ef Bretland yfirgefur ESB með samningi.

EES inniheldur ESB-löndin og einnig Ísland, Liechtenstein og Noreg.

Ef umsókn þín um ESB-búsetuáætlunina (EU Settlement Scheme) er samþykkt þá munt þú geta haldið áfram að búa og vinna í Bretlandi eftir 30. júní 2021.

Þú færð annað hvort:

  • búsetuheimild
  • fyrirframbúsetuheimild

Þú verður ekki beðin(n) um að velja hvort þú sækir um. Hvaða heimild þú færð fer eftir því hversu lengi þú hefur búið í Bretlandi þegar þú sækir um. Réttindi þín verða mismunandi eftir því hvaða heimild þú færð.

Búsetuheimild

Venjulega myndir þú fá búsetuheimild ef þú:

  • byrjaðir að búa í Bretlandi fyrir 31. desember 2020 (eða fyrir 12. apríl 2019 ef Bretland yfirgefur ESB án samnings)
  • bjóst í Bretlandi á 5 ára samfelldu tímabili (þekkt sem ‚samfelld búseta’)

Fimm ára samfelld búseta þýðir að í 5 ár í röð hefur þú verið í Bretlandi, á Ermasundseyjunum eða Mön í a.m.k. 6 mánuði á hverju 12 mánaða tímabili. Undantekningarnar eru:

  • eitt tímabil í allt að 12 mánuði af mikilvægri ástæðu (til dæmis barnsfæðing, alvarleg veikindi, nám, starfsþjálfun eða staða erlendis)
  • skyldubundin herþjónusta af hvaða lengd sem er
  • tími sem sem þú varðir erlendis í þjónustu krúnunnar, eða sem fjölskyldumeðlimur aðila í þjónustu krúnunnar
  • tími sem þú varðir erlendis í herþjónustu, eða sem fjölskyldumeðlimur einhvers í herþjónustu

Þú getur dvalið í Bretlandi eins lengi og þú vilt ef þú færð búsetuheimild. Þú munt einnig geta sótt um breskan ríkisborgararétt ef þú telst hæf(ur).

Fyrirframbúsetuheimild

Ef þú hefur ekki haft 5 ára samfellda búsetu þegar þú sækir um þá færð þú venjulega fyrirframbúsetuheimild. Þú verður að hafa byrjað að búa í Bretlandi fyrir 31. desember 2020 (eða fyrir 12. apríl 2019 ef Bretland yfirgefur ESB án samnings).

Þú getur síðan sótt um að breyta yfir í búsetuheimild um leið og þú hefur náð 5 ára samfelldri búsetu.

Ef þú nærð 5 ára samfelldri búsetu á einhverjum punkti fyrir 30. desember 2020 þá getur þú valið að bíða með að sækja um þar til þú nærð 5 ára samfelldri búsetu. Þetta þýðir að ef umsókn þín er samþykkt þá færð þú búsetuheimild án þess að þurfa að sækja um fyrirframbúsetuheimild áður.

Þú getur dvalið í Bretlandi í 5 ár frá deginum sem þú færð fyrirframbúsetuheimild.

Réttindi þín með búsetuheimild eða fyrirframbúsetuheimild

Þú munt geta:

  • unnið í Bretlandi
  • notað heilbrigðiskerfið (NHS)
  • sótt um skólavist eða haldið áfram námi
  • fengið aðgang að almennum sjóðum eins og bótum og lífeyrisgreiðslum, ef þú telst hæf(ur) til þess
  • ferðast inn og út úr Bretlandi

Ef þú vilt verja tíma utan Bretlands

Ef þú hefur búsetuheimild þá ættir þú að geta varið 5 árum í röð utan Bretlands án þess að missa heimild þína. Þetta er ennþá háð samþykki þingsins.

Ef þú ert svissneskur ríkisborgari þá getur þú og fjölskylda þín varið allt að 4 árum í röð utan Bretlands án þess að þú missir búsetuheimild þína. Þetta er ennþá háð samþykki þingsins.

Ef þú hefur fyrirframbúsetuheimild þá getur þú varið allt að 2 árum í röð utan Bretlands án þess að missa heimild þína. Þú munt þurfa að viðhalda samfelldri búsetu þinni ef þú vilt teljast hæf(ur) fyrir búsetuheimild.

Ef þú eignast börn eftir að þú sækir um

Ef þú færð búsetuheimild þá verða öll börn sem fæðast í Bretlandi meðan þú býrð hér sjálfkrafa breskir ríkisborgarar.

Ef þú færð fyrirframbúsetuheimild þá teljast öll börn fædd í Bretlandi sjálfkrafa hæf fyrir fyrirframbúsetuheimild. Þau verða aðeins breskir ríkisborgarar ef þau teljast hæf til þess í gegnum hitt foreldrið.

Ef þú vilt koma með fjölskyldumeðlimi til Bretlands

Nánir fjölskyldumeðlimir þínir geta sameinast þér í Bretlandi fyrir 31. desember 2020. þeir munu þurfa að sækja um ESB-búsetuáætlunina þegar þeir eru komnir hingað.

Ef Bretland yfirgefur ESB með samning þá munt þú geta komið með nána fjölskyldumeðlimi til Bretlands eftir 31. desember 2020 ef hvorutveggja af eftirfarandi á við:

  • samband þitt við þá byrjaði fyrir 31. desember 2020
  • þú ert ennþá í sambandi þegar þeir sækja um að sameinast þér

Ef Bretland yfirgefur ESB án samnings þá stendur fresturinn fyrir nána fjölskyldumeðlimi til að sameinast þér í Bretlandi til 30. mars 2022. Þú munt ekki geta komið með þá hingað með ESB-búsetuáætluninni ef samband þitt við þá byrjaði eftir 31. desember 2020. Þeir gætu mögulega komið hingað á annan hátt, t.d. með fjölskylduvegabréfsáritun.

Hvað þú þarft til að sækja um

Þegar þú sækir um þá þarft þú sönnun fyrir:

  • auðkenni þínu
  • búsetu þinni í Bretlandi, nema þú hafir búsetuleyfisplagg eða gilt leyfi til dvalar eða komu til Bretlands í óákveðinn tíma.

Sönnun á auðkenni

Þú þarft gilt vegabréf eða persónuskilríki lands þíns. Þú þarft einnig stafræna ljósmynd af andliti þínu.

Ef þú ert ekki borgari í ESB, EES eða Sviss þá getur þú notað eitthvað af eftirfarandi:

Ef þú hefur ekkert af þessu er mögulegt að þú gætir notað önnur sönnunargögn við ákveðnar aðstæður. Notaðu samskiptaeyðublað ESB-búsetuáætlunarinnar (EU Settlement Scheme) ef þú hefur ekki auðkennisplagg.

Þegar þú sækir um þá getur þú annað hvort:

  • notað forritið ‘EU Exit: ID Document Check’ til að skanna skjalið þitt og senda ljósmynd af þér – þú þarft að nota Android síma til að gera þetta
  • sent skjalið þitt með pósti og hlaðið upp ljósmynd af þér með því að nota forritið á netinu (þú getur sótt þetta sjálf(ur))

Þú getur notað Android síma einhvers annars til að sanna auðkenni þitt. Þú getur líka heimsótt eina af þeim stofnunum sem bjóðast til að skanna skjalið fyrir þig. Þú munt þurfa að bóka viðtal og þú gætir þurft að greiða gjald.

Sönnun á samfelldri búsetu

Til að teljast hæf(ur) fyrir búsetuheimild þá þarft þú venjulega að hafa búið í Bretlandi, á Ermasundseyjunum eða Mön í a.m.k. 6 mánuði á hverju 12 mánaða tímabili í 5 ár í röð. Þú þarft að útvega sönnun fyrir þessu þegar þú sækir um.

Ef þú hefur ekki búið hér í 5 ár í röð gætir þú samt talist hæf(ur) fyrir fyrirframbúsetuheimild.

Þú getur gefið upp almannatrygginganúmerið þitt til að leyfa sjálfvirka athugun á búsetu þinni byggða á skrám yfir skatta og ákveðnar bætur.

Ef tekst að sannreyna þetta svona þá þarft þú ekki að útvega nein skjöl til sönnunar á búsetu. Þú þarft aðeins að útvega skjöl ef það eru ekki nægjanlegar upplýsingar til að staðfesta að þú hafir verið hérna í 5 ár í röð. Innanríkisráðuneytið mun láta þig vita tafarlaust eftir umsóknina hvort þú þurfir að útvega einhver skjöl. Þú munt geta sent skjöl þín ljósmynduð eða skönnuð í gegnum umsóknarformið á netinu.

Lestu hvaða skjöl þú getur útvegað innanríkisráðuneytinu ef þú ert beðin(n) um að útvega meiri sönnunargögn.

Ef þú hefur fengið sakfellingar í refsimáli

Ef þú er 18 ára eða eldri þá mun innanríkisráðuneytið athuga að þú hafir ekki framið alvarlega eða ítrekaða glæpi og að þú sért ekki ógn við öryggi.

Þú munt verða spurð(ur) um afbrotaferil í Bretlandi og erlendis. Einnig verður athugað hvort Þú sért í breskum gagnagrunnum yfir glæpi.

Ef þú hefur aðeins verið sakfelld(ur) fyrir minniháttar brot, t.d. ef þú hefur fengið hraðasekt, þá ert þú samt talin(n) hæf(ur) fyrir búsetuheimild eða fyrirframbúsetuheimild.

Þú gætir samt fengið búsetuheimild eða fyrirframbúsetuheimild jafnvel þótt þú hafir aðrar sakfellingar. Dæmt verður um þetta í hverju máli fyrir sig.

Ef þú hefur verið í fangelsi þá þarft þú venjulega 5 ára samfellda búsetu frá því þér var sleppt til að koma til greina fyrir búsetuheimild.

Ef þú ert ekki borgari í ESB, EES eða Sviss

Þú þarft venjulega að útvega sönnun fyrir sambandinu við fjölskyldumeðlimi þína í ESB, EES eða Sviss.

EES inniheldur ESB-löndin og einnig Ísland, Liechtenstein og Noreg.

Sótt um ESB-búsetuáætlunina (EU Settlement Scheme)

Áætlunin er opin – þú getur sótt um núna ef þú ert hæf(ur).

Þú getur líka valið að sækja um síðar eftir kringumstæðum þínum.

Fresturinn til að sækja um er til 30. júní 2021, eða 31. desember 2020 ef Bretland yfirgefur ESB án samnings.

Þú getur sótt um með hvaða tæki sem er, t.d. fartölvu, Android tæki eða iPhone.

Innanríkisráðuneytið mun nota persónulegu upplýsingarnar sem þú veitir til að ákveða hvort samþykkja eigi umsókn þína. Fáðu að vita hvernig innanríkisráðuneytið mun vinna úr persónulegum upplýsingum þínum.

Hvenær þú þarft að nota pappírsformið

Þú getur ekki sótt um áætlunina á netinu ef þú ert að sækja um sem:

  • fjölskyldumeðlimur bresks ríkisborgara sem þú bjóst með í Sviss eða ESB eða EES landi sem er ekki Bretland
  • fjölskyldumeðlimur bresks ríkisborgara sem einnig hefur ríkisborgararétt í ESB, EES eða Sviss og sem bjó í Bretlandi sem borgari í ESB, EES eða Sviss áður en hann fékk breskan ríkisborgararétt
  • aðal umönnunaraðilinn fyrir borgara í Bretlandi, ESB, EES eða Sviss
  • barn borgara í ESB, EES eða Sviss sem bjó og starfaði í Bretlandi, eða aðal umönnunaraðili barnsins Þú verður einnig að nota pappírsformið ef þú getur ekki útvegað vegabréf eða skilríki lands þíns til að sanna auðkenni þitt

Biðja um pappírsform til að sækja um ESB-búsetuáætlunina (EU Settlement Scheme).

Gjöld

Það er ókeypis að sækja um áætlunina.

Ef þú greiddir gjald þegar þú sóttir um til ESB-búsetuáætlunarinnar þá munt þú fá endurgreiðslu.

Fáðu hjálp

Þú getur fengið hjálp við umsókn þína í símanum eða á netinu. Símanúmerið er annað ef þú ert frá bæjarstjórn eða annarri stofnun sem hjálpar öðrum að sækja um.

Ef þú ert innan Bretlands

Símanúmer: 0300 123 7379

Mánudag til föstudags (fyrir utan almenna frídaga), 8:00 til 20:00

Laugardag og sunnudag, 9:30 til 16:30

Fáðu að vita um símagjöld

Ef þú ert utan Bretlands

Símanúmer: +44 (0)203 080 0010

Mánudag til föstudags (fyrir utan almenna frídaga), 8:00 til 20:00

Laugardag og sunnudag, 9:30 til 16:30

Ef þú ert frá stofnun sem hjálpar öðrum að sækja um

Símanúmer: 0300 790 0566

Mánudag til föstudags (fyrir utan almenna frídaga), 8:00 til 20:00

Laugardag og sunnudag, 9:30 til 16:30

Fáðu að vita um símagjöld

Notið samskiptaeyðublað ESB-búsetuáætlunarinnar (EU Settlement Scheme) til að fá hjálp á netinu.

Þú getur fengið aðstoð í síma eða persónulega ef þig vantar aðstoð við að gera þetta á netinu.

Ef þú ert ekki borgari í ESB, EES eða Sviss

Þú gætir mögulega sótt um ef:

  • þú ert fjölskyldumeðlimur borgara í ESB, EES eða Sviss
  • þú ert fjölskyldumeðlimur bresks ríkisborgara og þið bjugguð saman utan Bretlands í EES landi
  • þú ert fjölskyldumeðlimur bresks ríkisborgara sem hefur einnig ríkisborgararétt í ESB, EES eða Sviss og hefur búið í Bretlandi sem borgari í ESB, EES eða Sviss áður en hann fékk breskan ríkisborgararétt
  • þú áttir fjölskyldumeðlim í ESB, EES eða Sviss sem bjó í Bretlandi
  • þú ert aðal umönnunaraðili borgara í Bretlandi, ESB, EES eða Sviss
  • þú ert barn borgara í ESB, EES eða Sviss sem bjó og starfaði í Bretlandi, eða aðal umönnunaraðili barnsins

EES inniheldur ESB-löndin og einnig Ísland, Liechtenstein og Noreg.

Ef þú ert fjölskyldumeðlimur borgara í ESB, EES eða Sviss

Þú getur sótt um ef þú ert í sambandi við borgara í ESB, EES eða Sviss sem maki, í óvígðri sambúð eða ógift(ur) sambýlismaður/-kona.

Þú getur einnig sótt um ef þú ert skyld(ur) borgara í ESB, EES eða Sviss, maka hans eða óvígðs sambúðaraðila á eftirfarandi hátt:

  • barn, barnabarn eða barnabarnabarn undir 21 árs aldri
  • barn á framfæri eldri en 21 árs
  • foreldri, afi/amma eða langafi/langamma á framfæri
  • skyldmenni á framfæri

Fjölskyldumeðlimur þinn í ESB, EES eða Sviss þarf venjulega einnig að sækja um.

Þú getur sótt um ef þú ert fjölskyldumeðlimur írsk ríkisborgara, jafnvel þótt hann þurfi ekki að gera það.

Ef þú ert hæfur vegna þess að þú ert fjölskyldumeðlimur borgara í ESB, EES eða Sviss þá getur þú sótt um á netinu.

Ef fjölskyldumeðlimur þinn er breskur ríkisborgari (‘Surinder Singh’ umsóknir)

Þú gætir talist hæf(ur) ef þú bjóst utan Bretlands í landi í ESB eða EES (eða Sviss) með fjölskyldumeðlimi þínum og þú ert:

  • gift(ur) eða í óvígðri sambúð með honum
  • undir 21 árs og ert barn eða barnabarn hans
  • 21 árs eða eldri og ert barn eða barnabarn á framfæri hans
  • ert foreldri eða afi/amma á framfæri hans

Landið sem þið bjugguð saman í verður að hafa verið aðal búsetustaður ykkar. Hinn breski fjölskyldumeðlimur þinn verður einnig að hafa starfað, stundað nám eða verið sjálfbjarga í landinu meðan hann var þar.

Þú getur ekki gert umsóknina á netinu ef það er á þennan hátt sem þú telst hæf(ur) fyrir áætlunina – þú munt þurfa að nota pappírsformið í staðinn.

Biðja um pappírsform til að sækja um ESB-búsetuáætlunina (EU Settlement Scheme).

Ef þú áttir fjölskyldumeðlim í ESB, EES eða Sviss sem bjó í Bretlandi

Þú gætir mögulega sótt um ef þú áttir fjölskyldumeðlim sem bjó í Bretlandi. þetta er kallað ‚geymdur búseturéttur‘.

Ef þú telst vera hæf(ur) vegna þess að þú hefur geymdan búseturétt þá getur þú sótt um á netinu.

Ef þú stundar nám á Bretlandi

Þú getur sótt um ef þú stundar nám á Bretlandi og eitt af eftirfarandi er rétt:

  • þú ert barn borgara í ESB, EES eða Sviss sem hefur yfirgefið Bretland eða dáið
  • annað af foreldrum þínum er maki eða í óvígðri sambúð með borgara í ESB, EES eða Sviss sem hefur yfirgefið Bretland eða dáið annað af foreldrum þínum var áður maki eða í óvígðri sambúð með borgara í ESB, EES eða Sviss sem hefur yfirgefið Bretland eða dáið

Ef þú telst hæf(ur) í vegna einhverra af þessum kringumstæðum þá er foreldri þitt líka hæft svo framarlega sem það hefur forráðarétt yfir þér.

Ef fjölskyldumeðlimur þinn hefur dáið

Þú getur einnig sótt um ef fjölskyldumeðlimur þinn hefur dáið og þú hefur búið samfellt í Bretlandi sem fjölskyldumeðlimur hans í a.m.k. eitt ár fyrir andlát hans.

Ef þú varst áður gift(ur) eða í óvígðri sambúð

Þú getur einnig sótt um ef hjónaband þitt eða óvígð sambúð með borgara í ESB, EES eða Sviss endaði með skilnaði, ógildingu eða riftun og þú bjóst í Bretlandi þegar því lauk.

Eitt af eftirfarandi verður einnig að gilda:

  • hjónabandið eða óvígð sambúð stóð yfir í a.m.k. 3 ár og báðir aðilar bjuggu í Bretlandi í a.m.k. eitt ár á þeim tíma.
  • þú hefur forráðarétt yfir barni borgara í ESB, EES eða Sviss
  • þér hefur verið veittur umgengnisréttur í Bretlandi við barn borgara í ESB, EES eða Sviss – barnið verður að vera undir 18 ára
  • þú hefur réttindi til að búa í Bretlandi vegna þess að þú varst fórnarlamb heimilisofbeldis í hjónabandi eða óvígðri sambúð

Ef þú ert ‚aðal umönnunaraðili‘ borgara í Bretlandi, ESB, EES eða Sviss.

Þú gætir mögulega sótt um ef þú ert aðal umönnunaraðili borgara í Bretlandi, ESB, EES eða Sviss sem býr í Bretlandi. Öll börn sem þú hefur á framfæri gætu einnig mögulega sótt um.

Til að vera aðal umönnunaraðili einhvers þá verður þú bæði að:

  • vera ábyrg(ur) fyrir daglegri umönnun þeirra, þ.m.t. taka ákvarðanir um menntun þeirra, heilsu og fjármál
  • vera fjölskyldumeðlimur eða lögráðamaður þeirra

Þú getur deilt þessari ábyrgð með einhverjum öðrum.

Þú getur ekki sótt um á netinu ef það er á þennan hátt sem þú telst hæf(ur) fyrir áætlunina – þú þarft að nota pappírsformið í staðinn.

Biðja um pappírsform til að sækja um ESB-búsetuáætlunina (EU Settlement Scheme).

Ef þú ert aðal umönnunaraðili fullorðins einstaklings

Þú getur sótt um ef þú ert aðal umönnunaraðili fullorðins einstaklings á framfæri annarra sem er breskur ríkisborgari.

Ef þú ert aðal umönnunaraðili barns

Þú getur sótt um ef þú ert aðal umönnunaraðili bresks barns eða barns í ESB, EES eða Sviss sem er fjárhagslega sjálfstætt.

Þú getur einnig sótt um ef þú ert aðal umönnunaraðili barns í ESB, EES eða Sviss sem:

  • er í námi í Bretlandi
  • á foreldri í ESB, EES eða Sviss sem hefur starfað í Bretlandi þegar barnið bjó í Bretlandi
  • á foreldri í ESB, EES eða Sviss sem hefur búið í Bretlandi þegar barnið var í námi í Bretlandi
  • á foreldri í ESB, EES eða Sviss sem hefur hætt að vinna í Bretlandi eða yfirgefið Bretland

Hvað þú þarft til að sækja um

Þú þarft að útvega sönnun á sambandi þínu við fjölskyldumeðlim þinn í ESB, EES eða Sviss – til dæmis, fæðingar- eða hjúskaparvottorð, eða vottorð um óvígða sambúð, eða dvalarskírteini. Þú getur skannað og sent þetta í gegnum umsóknareyðublaðið á netinu.

Ef sækir um á undan fjölskyldumeðlimi þínum þá þarft þú einnig að útvega sönnun fyrir auðkenni þeirra og búsetu.

Þú þarft ekki að útvega neinar sannanir ef þú hefur gilt breskt ‚búsetuleyfisplagg’.

Ef þú hefur ekki dvalarskírteini með lífkennum, þá verður þú beðin(n) um að panta tíma hjá Umsóknarþjónustu fyrir vegabréf og ríkisborgararétt í Bretlandi (UK Visa and Citizenship Application Services (UKVCAS)) þjónustustaður til að útvega lífkennaupplýsingar þínar (fingraför og ljósmynd, eða ljósmynd ef þú ert yngri en 5) þegar þú sækir um.

Þegar þú þarft að útvega meiri sannanir

Í sumum tilfellum þarft þú einnig að útvega sömu skjölin sem þú myndir útvega fyrir umsókn um dvalarskírteini.

Athugaðu hvaða skjöl þú myndir útvega fyrir umsókn um dvalarskírteini ef:

Hvenær á að sækja um

Áætlunin er opin núna. Fresturinn til að sækja um er til 30. júní 2021 nema í örfáum tilfellum.

Þú færð sennilega fljótar svar ef þú sækir um á sama tíma eða eftir að fjölskyldumeðlimur þinn hefur sótt um.

Fjölskyldumeðlimur þinn fær umsóknarnúmer þegar hann sækir um. Þú getur notað það til að ‚tengja’ umsókn þína við hans þannig að umsóknir ykkar verði skoðaðar saman.

Ef þú ert aðal umönnunaraðili bresks ríkisborgara

Þú getur sótt um frá 1. maí 2019.

Ef þú ert fjölskyldumeðlimur borgara í ESB, EES eða Sviss sem er látinn

Þú gætir talist hæf(ur) fyrir búsetuheimild áður en þú hefur búið í Bretlandi í 5 ár.

Fjölskyldumeðlimur þinn verður að hafa verið í vinnu eða sjálfstætt starfandi í Bretlandi, á Ermasundseyjunum eða Mön þegar hann lést. Þú verður einnig að hafa búið með honum um það leyti sem hann lést og annað hvort:

  • hann hafi búið samfellt í Bretlandi, á Ermasundseyjunum eða Mön í a.m.k. 2 ár fyrir andlát sitt
  • hann hafi látist vegna vinnuslyss eða atvinnusjúkdóms

Ef þú ert erlendis og fjölskyldumeðlimur borgara í ESB, EES eða Sviss sem býr í Bretlandi

Ef Bretland yfirgefur ESB með samning og þú hefur ekki búið í Bretlandi fyrir 31. desember 2020 þá munt þú geta sótt um að sameinast fjölskyldumeðlimi þínum hér eftir þá dagsetningu ef allt af eftirfarandi á við:

  • fjölskyldumeðlimur þinn hefur annað hvort búsetuheimild eða fyrirframbúsetuheimild
  • samband ykkar hófst fyrir 31. desember 2020
  • þú ert áfram náinn fjölskyldumeðlimur, t.d. maki, í óvígðri sambúð, ógift(ur) sambýlismaður/-kona, barn á framfæri eða barnabarn, eða foreldri eða afi/amma á framfæri

Ef Bretland yfirgefur ESB án samnings þá stendur fresturinn fyrir þig til að sameinast fjölskyldumeðlimum þínum til 30. mars 2022.

Ef þú hefur varanlega búsetu eða leyfi til komu eða dvalar til óákveðins tíma

Ferlið við að sækja um ESB-búsetuáætlunina (EU Settlement Scheme) er öðruvísi ef þú hefur búsetuleyfisplagg eða leyfi til komu eða dvalar til óákveðins tíma.

Ef þú hefur gilt breskt ‚búsetuleyfisplagg’

Ef þú hefur gilt breskt búsetuleyfisplagg þá hefur þú eitt af eftirfarandi:

  • vottorð innan í bláa ‚búsetuskjala’ hefti þínu (eða bleika ef þú ert svissneskur ríkisborgari)
  • vottorð innan í vegabréfi þínu
  • dvalarskírteini með lífkennum sem staðfestir varanlega búsetu (aðeins ef þú ert ekki borgari í ESB, EES eða Sviss)

Skjalið þitt er ekki búsetuleyfisplagg ef það stendur ‚skráningarvottorð’ á því.

Ef þú ert frá ESB, EES eða Sviss þá stendur á búsetuleyfisplaggi þínu ‚Skjal sem vottar varanlega búsetu’.

Ef þú ert ekki borgari í ESB, EES eða Sviss þá stendur á dvalarskírteini þínu með lífkennum ‚Varanleg búsetustaða’.

EES inniheldur ESB-löndin og einnig Ísland, Liechtenstein og Noreg.

Hvað þú þarft að gera

Til að halda áfram að búa í Bretlandi eftir 30. júní 2021 þá verður þú annað hvort að:

  • sækja um ESB-búsetuáætlunina (EU Settlement Scheme) – þú þarft ekki að sanna að þú hafir haft 5 ára samfellda búsetu
  • sæktu um ríkisborgararétt fyrir 30. júní 2021 (eða 31. desember 2020 ef Bretland yfirgefur ESB án samnings)

Ef þú hefur leyfi til komu eða dvalar til óákveðins tíma

Leyfi til komu eða dvalar til óákveðins tíma (indefinite leave to enter or remain (ILR)) er ákveðin tegund af innflytjandastöðu.

Þú myndir venjulega hafa sótt um leyfi til komu eða dvalar til óákveðins tíma.

Þú myndir hafa stimpil í vegabréfi þínu eða bréf frá innanríkisráðuneytinu. Þú gætir einnig haft ‚vignette’ (límmiða) eða dvalarleyfi með lífkennum.

Þú getur haldið áfram að búa í Bretlandi án þess að sækja um ESB-búsetuáætlunina (EU Settlement Scheme) ef þú hefur leyfi til dvalar eða komu til Bretlands til óákveðins tíma. Hinsvegar ef þú velur að sækja um (og uppfyllir öll önnur skilyrði) þá færð þú ‚leyfi til dvalar til óákveðins tíma samkvæmt ESB-búsetuáætluninni (EU Settlement Scheme)’ – einnig þekkt sem búsetuheimild.

Þetta þýðir að þú getur varið allt að 5 árum utan Bretlands án þess að missa búsetuheimild þína (í stað tveggja ára með leyfinu til komu eða dvalar til óákveðins tíma sem þú hefur núna).

Hversu lengi þú getur búið utan Bretlands er ennþá háð samþykki þingsins.

Þú munt ekki þurfa að sanna að þú hafir haft 5 ára samfellda búsetu.

Ef þú fluttir til Bretlands áður en það gekk í ESB þann 1. janúar 1973

Þú gætir hafa fengið sjálfkrafa leyfi til dvalar til óákveðins tíma (ILR) ef þú ert borgari í ESB, EES eða Sviss sem bjó í Bretlandi fyrir 1973. Ef þú fékkst það þá munt þú ekki þurfa að sækja um til ESB-búsetuáætlunarinnar til að dvelja áfram í Bretlandi eftir júní 2021.

Ef þú hefur ekki skjal til að staðfesta leyfis (ILR) stöðu þína þá getur þú annað hvort:

Ef þú ert frá Möltu eða Kýpur þá gætir þú einnig sótt um breskan ríkisborgararétt í gegnum Windrush áætlunina.

Umsóknir um báðar áætlanirnar er gjaldfrjáls.

Ef þú ert að sækja um barnið þitt

Þú getur sótt um búsetuheimild eða fyrirframbúsetuheimild fyrir barn þitt ef það er undir 21 árs og annaðhvort:

  • það er borgari í ESB, EES eða Sviss
  • það er ekki borgari í ESB, EES eða Sviss, en þú ert það – eða maki þinn eða ert í óvígðri sambúð með aðila sem er það

EES inniheldur ESB-löndin og einnig Ísland, Liechtenstein og Noreg.

Barnið þitt getur einnig sótt um fyrir sig sjálft.

Ef þú hefur sótt um til ESB-búsetuáætlunarinnar

Þú munt geta ‘tengt’ umsókn barns þíns við þína með því að nota númer umsóknarinnar sem þú fékkst þegar þú sóttir um fyrir sjálfa(n) þig.

Þú getur gert þetta hvenær sem er eftir að þú hefur sótt um – þú þarft ekki að bíða eftir ákvörðun.

Þú getur notað þitt eigið netfang í umsókninni ef barnið þitt hefur ekki slíkt.

Ef umsókn þín er samþykkt þá fær barnið þitt sömu stöðu og þú.

Þú munt þurfa að gera þetta fyrir hvert barn sem þú vilt sækja um fyrir.

Hvaða sönnun þarft þú

Þú þarft að útvega sönnun fyrir sambandi þínu við barn þitt þegar þú sækir um.

Þú munt ekki þurfa að útvega sönnun fyrir búsetu barns þíns í Bretlandi með umsókn þess. Hinsvegar gæti innanríkisráðuneytið beðið þig um sönnun fyrir búsetu áður en ákvörðun er tekin

Ef þú hefur ekki sótt um til ESB-búsetuáætlunarinnar

Ef þú telst hæf(ur) fyrir áætlunina þá gæti verið auðveldara fyrir þig að gera þína eigin umsókn áður en þú sækir um fyrir barnið þitt.

Annars þarft þú að útvega sönnun fyrir því að barnið þitt hafi búið í 5 ár samfellt í Bretlandi til að teljast hæft fyrir búsetuheimild – eða barnið þarf þess ef það sækir um fyrir sig sjálft.

Ef það hefur ekki búið í Bretlandi á yfir 5 ára samfelldu tímabili, þá gæti það talist hæft fyrir fyrirframbúsetuheimild.

Ef þú telst ekki hæf(ur) fyrir áætlunina en barnið telst það, t.d. vegna þess að það býr í Bretlandi en þú gerir það ekki, þá getur þú samt sótt um fyrir það. Þú þarft að útvega sönnun fyrir búsetu þess í Bretlandi.

Ef þú ert írskur ríkisborgari

Þú þarft ekki að sækja um búsetuheimild eða fyrirframbúsetuheimild ef þú ert írskur ríkisborgari.

Hinsvegar ef þú ert írskur ríkisborgari og barnið þitt er ekki breskur ríkisborgari þá telst það hæft fyrir annað hvort:

  • sömu stöðu og þú getur fengið, byggt á því hversu lengi þú hefur búið í Bretlandi
  • búsetuhemild eða fyrirframbúsetuheimild, byggt á eigin búsetu þess

Ef þú hættir að vinna eða byrjar að vinna í öðru ESB-landi

Þú og fjölskyldumeðlimir þínir geta við ákveðnar aðstæður fengið búsetuheimild með minna en 5 ára samfellda búsetu.

Ef þú verður að hætta að vinna

Ef þú ert borgari í ESB, EES eða Sviss þá gætir þú fengið búsetuheimild ef þú þarft að hætta að vinna eða vera sjálfstætt starfandi vegna slyss eða sjúkdóms (þekkt sem ‚varanlegt vanhæfi’).

EES inniheldur ESB-löndin og einnig Ísland, Liechtenstein og Noreg.

Þú gætir fengið búsetuheimild ef annað hvort:

  • þú hefur búið samfellt í Bretlandi í 2 ár strax þar á undan
  • hið varanlega vanhæfi var vegna vinnuslyss eða atvinnusjúkdóms sem veitir þér rétt til lífeyrisgreiðslna frá stofnun í Bretlandi

Þú getur einnig fengið búsetuheimild ef þú ert gift(ur) eða í óvígðri sambúð með breskum ríkisborgara.

Ef þú ert fjölskyldumeðlimur borgara í ESB, EES eða Sviss á sama tíma og hann hætti að vinna þá gætir þú einnig talist hæf(ur) fyrir búsetuheimild.

Ef þú nærð lífeyrisaldri eða ferð snemma á eftirlaun

Ef þú ert borgari í ESB, EES eða Sviss þá gætir þú fengið búsetuheimild ef þú nærð lífeyrisaldri eða ferð snemma á eftirlaun.

Ef þú ert fjölskyldumeðlimur borgara í ESB, EES eða Sviss á sama tíma og hann nær lífeyrisaldri eða fer snemma á eftirlaun þá gætir þú einnig talist hæf(ur) fyrir búsetuheimild.

Ef þú nærð lífeyrisaldri

Ef þú ert borgari í ESB, EES eða Sviss þá getur þú fengið búsetuheimild ef þú hættir að vinna þegar þú náðir lífeyrisaldri og annað hvort:

  • þú hefur unnið samfellt eða verið sjálfstætt starfandi í 1 ár þar á undan og hefur búið samfellt í Bretlandi í 3 ár
  • maki þinn eða sambýlismaður/-kona í óvígðri sambúð er breskur ríkisborgari

Ef þú ferð snemma á eftirlaun

Ef þú ert borgari í ESB, EES eða Sviss þá getur þú fengið búsetuheimild ef þú fórst snemma á eftirlaun og annað hvort:

  • þú hefur starfað samfellt (fyrir einhvern annan en sjálfan þig) í 1 ár þar á undan og hefur búið samfellt í Bretlandi í 3 ár
  • maki þinn eða sambýlismaður/-kona í óvígðri sambúð er breskur ríkisborgari

Ef þú byrjar að vinna eða gerist sjálfstætt starfandi í öðru ESB-landi

Ef þú ert borgari í ESB, EES eða Sviss þá getur þú fengið búsetuheimild ef þú byrjar að vinna eða gerist sjálfstætt starfandi í öðru ESB-landi og þú hvortveggja:

  • hefur búið og unnið eða verið sjálfstætt starfandi í Bretlandi samfellt í 3 ár þar á undan
  • ferð venjulega tilbaka til heimils þíns í Bretlandi einu sinni í viku

Ef þú ert fjölskyldumeðlimur borgara í ESB, EES eða Sviss á sama tíma sem hann byrjar að vinna eða gerist sjálfstætt starfandi í öðru ESB-landi þá gætir þú einnig talist hæf(ur) fyrir búsetuheimild.

Eftir að þú hefur sótt um

Ef umsókn þín er samþykkt þá færð þú annað hvort búsetuheimild eða fyrirframbúsetuheimild. Fáðu að vita hvaða réttindi þú færð fyrir hverja heimild.

Heimild skoðuð og sannprófuð

Þú getur skoðað heimild þína á netinu eins fljótt og þú færð svar við umsókn þinni.

Þú færð ekki áþreifanlegt skjal nema bæði eftirfarandi atriði eigi við:

Þú getur ennþá sannað réttindi þín í Bretlandi til 31. desember 2020 með vegabréfi þínu eða persónuskilríkjum lands þíns (ef þú ert borgari í ESB, EES eða Sviss), eða með dvalarleyfi þínu með lífkennum.

Upplýsingar þínar uppfærðar

Þú verður að halda upplýsingum þínum uppfærðum til þessa dags, t.d. ef þú færð nýtt vegabréf.

Umsókn um ríkisborgararétt

Þú munt venjulega geta sótt um ríkisborgararétt 12 mánuðum eftir að þú hefur fengið búsetuheimild.

Ef þú greiddir fyrir umsókn þína

Ef þú greiddir gjaldið þegar þú sóttir um til ESB-búsetuáætlunarinnar (EU Settlement Scheme) þá munt þú fá endurgreiðslu.

Ef innanríkisráðuneytið finnur mistök í umsókn þinni

Innanríkisráðuneytið mun hafa samband við þig áður en umsókn þinni verður svarað þannig að þú getir leiðrétt villuna.

Það mun einnig láta þig vita ef þú þarft að útvega meiri sannanir áður en það getur svarað.

Ef umsókn þinni er hafnað

Mögulega gætir þú sótt um stjórnvaldsendurskoðun vegna ákvörðunarinnar.

Eins og er getur þú ekki áfrýjað ákvörðuninni.

Þú getur sótt um aftur hvenær sem er til 30. júní 2021, eða til 31. desember 2020 ef Bretland yfirgefur ESB án samnings.

Ef þú hefur þegar útistandandi umsókn sem innflytjandi

Í flestum tilfellum þá verður útistandandi umsókn þín sem innflytjandi ekki tekin til greina ef þú sækir um til ESB-búsetuáætlunarinnar (EU Settlement Scheme). Þú munt fá endurgreiðslu vegna útistandandi umsóknar þinnar.

Hafðu samband við ‚Vegabréfsáritanir og innflytjendur til Bretlands‘ (UK Visas and Immigration (UKVI)) til að fá að vita hver áhrifin verða á útistandandi umsókn þína sem innflytjandi.

Ítarlegri leiðbeiningar eru fáanlegar.

 

Click here to read more.